ඔයාටත් දවල්ට නිදිමත එනවද මෙන්න ඒකට සැබෑම හේතුව මේ දේවල් හරියට කලොත් ඔයාට දවල්ට නිදිමත එන එකක් නැහැ.

අපි නිදාගන්න වෙලාවක් තිඛෙනවා. රාත‍්‍රිය වෙන්ව තිඛෙන්නේ නින්ද වෙනුවෙන්. ඒ වුණත් අපේ ඇතමුන් මහ දවාලෙත් කොයි වෙලාවේ බැලූ‍වත් නිදිමතේ.. නිදිමත එහෙමයි මේ වදන නිමැවී තිඛෙන්නේ. ඇත්තෙන්ම එය මත්වීමක්. දිවා කාලයේත් බොහෝ වේලා වල ඇතමුන් මේ විදිහට නින්දෙන් මත් වෙන්නේ ඇයි?

ඔබේ අවධානයට යොමු නොවුණු හේතු දෙකක් තිඛෙනවා’

1. ප‍්‍රමාද වී ආහාර ගැනීම.

අප අහර කිස නිම කළත් ශරීරය ඉනුත් හෝරා කිහිපයක් කි‍්‍රයාත්මක වෙනවා. ඒ අප ගන්නා ආහාර බිඳ හෙලමින් ශරීරයට අවශෝෂණය කර ගැනීමට. ඒත් නින්ද කියන්නේ සිරුරට විවේකයක් ලැබිය යුතු කාල පරිච්ඡේදයක්. මේ විවේකය නිසාවෙන්ම ශරීරයේ සියළු ඉඳුරන් පාහේ පුනර්ජීවනයට ලක් වෙනවා. නැවත ශරීරයට ශක්තිය. ජීවය ලැඛෙනවා. අප නිදාගන්න වේලාවෙත් ආහාර ජීර්ණය කරමින් ශරීරය කි‍්‍රයාත්මක වෙනවා නම් නින්දේ සැබෑ අරුත එතන නෑ. නින්දේ සැබෑ විවේකයත් එතන නෑ. ඒ නිසා තමයි නින්දට පැය දෙක තුනකට පෙර ආහාර ගැනීම කළ යුත්තේ.

2.ඔබ දන්නවා අපේ සිරුර තුළ සැගවගත් ජෛව ඔරලෝසුවක් තිඛෙනවා. අප වෙලාවට අවදි වන්නේ, මුව දෝවනය කරන්නේ, නිදා ගන්නේ, මේ හැම දෙයක්ම නැවත සිහිපත් නොකළත් වෙලාවට සිදු කෙරෙන්නේ මේ ජීව ඔරලෝසුවේ මහිමයෙන්.

ජීව ඔරලෝසුව නින්දට ඉතා අනගි කාල පරාසයක් හඳුනාගෙන තිඛෙනවා. ඒ රාත‍්‍රී 10 ත් පාන්දර 2 ත් අතර සිවු හෝරාව. යමෙක් මේ වටිනා පැය 4 තම නින්දට යොදා නොගන්නවා නම් තමන්ගේ ජීව රිද්මයට එයින් සැලකිය යුතු බාධාවක් පැමිණිය හැකියි. මේ නිසා නින්දේ ගුණාත්මක වටිනාකම හීන විය හැකියි. දිවාකල නිදිබර බවට එය හේතුවක් වන්නට ඉඩ තිඛෙනවා. මේ නිසා රාතී‍්‍ර 10 ත් පාන්දර 2 ත් අතර මේ වටිනා නිදි දෙව්දුවගේ වේලාවෙන් හැකි පමණ ප‍්‍රයෝජන අරගන්න බලන්න.

ඉතින් ඉහත හේතු මත දවාලටත් නිදිමත ඔබට දැනෙන්නට පුළුවනි. ඒ හැරෙන්නට කැන්ඩිඩා නම් ජීවානුව ඔබේ සිරුර තුළ ව්‍යාප්ත වී තිඛෙනවා නම් එයත් නිදිබර බවට අලස බවට හේතු විය හැකි බවටත් විද්වත් මතයක් තිඛෙනවා.

අතර්ජාලයෙන් උපුටා ගැනීමකි

Related Post

[sg_popup id=2]

Related Post

Leave a Reply

Your email address will not be published. Required fields are marked *