නින්දට පෙර පාද සම්බාහනය කිරීමෙන් අත් වන වාසි ඔබ දැනසිටියාද ?

ශාරීරික සුවතාවය සදහා නොයෙකුත් ක්‍රම බොහෝ දෙනෙක් භාවිතා කරති. ව්‍යායාම ලබා දීමට අමතරව වඩාත් ඵලදායි ක්‍රියාකාරකම් වශයෙන් ශරීර කොටස් සම්බාහනය කිරීම හැදින්විය හැක. අතීතයේ සිටම මෙම ක්‍රමය මනුශ්‍යයන්ගේ නොයෙකුත් ශාරීරික දුර්වලතාවයන් සදහා බොහෝ යහපත් ප්‍රතිඵල ලබා දී ඇති ක්‍රමයක් බැවින් වර්තමානයේ දී ද මෙය ඉතා ජනප්‍රිය වේ. නොයෙකුත් ශරීර කොටස් සදහා විවේකය ලබා දෙමින් ක්‍රියාකාරීත්වය වැඩි දියුණු කරවන ඉතා පහසු ක්‍රමයක් වන මෙය ඉතාම කාර්යක්ෂමව ප්‍රතිඵල ලබා දේ. පාදයේ විවිධ ස්ථාන නොයෙකුත් ශාරීරික ඉන්ද්‍රියයන් සමග සම්බන්ධ වී ඇති හෙයින් පාද මගින් ශරීරයේ කුමන ඉන්ද්‍රිය වුවද පාලනය කරවීමට හැකියාව ඇත. පාද සම්බාහනය කිරීමෙන් දැනෙන සුවය කිසිදු දෙයකින් ලබා ගත නොහැකි තරම් ය. මේ ආකාරයෙන් පාද සම්බාහනය කිරීම මගින් ඇති වන වාසි මොනවාදැයි විමසා බලමු. 

*මාOශපේශි වල ස්කන්ධය පාලනය කරයි.
*ව්‍යායාම කිරීමෙන් ඇති වන තෙහෙට්ටුව හා ශාරීරික වේදනාවන් දුරු කරයි.
*රුධිර සOසරණය ක්‍රමවත් කරයි.
*ලැක්ටික් ඇසිඩ් ඉවත් කරයි.
*සමට ඉතා යෝග්‍ය වේ.
*විවිධ ශාරීරික ක්‍රියාවලින් ක්‍රමවත් කරයි.
*නොයෙකුත් රෝග නිවාරනය කිරීමට උපකාර වේ. *පරිවෘතීය ක්‍රියාවලින් ක්‍රමවත් ක්‍රමවත් වේ.
*ආහාර ජීර්ණය පහසු කරයි.
*පටක හරහා රුධිරය ගමන් කිරීම පහසු කරයි.
*දහඩිය පිටවීම සදහා ශරීරය උත්තේජනය කරයි.
*මේදය දහනය කරයි.
*ගර්භනී භාවයේ සිටින විටද ඇති වන ඉදිමීම් සුව කරයි. *මානසික ආතතිය, ඇදුම, හිසරදය, මලබද්දය හා ඉරුවා රදය වැනි රෝග ලක්ෂන දුරු කිරීමට උපකාර වේ.

පාද සම්බාහනය කරන විට දී සුදුසු තෙල් වර්ගයක් භාවිතා කිරීමෙන් පාදයේ රළු වී ඇති ස්ථාන මෘදු කරවා යහපත් ප්‍රතිඵල ලබා දේ. දිනපතා නින්දට පෙර විනාඩි 10ක් හෝ 15ක් පාද සම්බාහනය කිරීම විශ්මිත ප්‍රතිඵල ලබා දේ.

පහත වීඩියෝවෙන් තවත් කකුල් සම්බාහන උපක්‍රම කිහිපයක් දක්වෙයි 

තට්ටය පෑදෙන්නේ ඇයි කියලා අදවත් හරියට දැනගන්න

මෙවර Meet Your Doctor වැඩසටහනට සහභාගී වූයේ චර්ම රෝග පිළිබඳ විශේෂඥ වෛද්‍ය ජනුකා ගලහිටියාව මහත්මියයි.

කෙස් ගසක ජීවන චක්‍රය පිළිබඳ පැහැදිලි කළොත්?

ශරීරයෙහි තිබෙන කෙස් ගසකට ජීවන චක්‍රයක් තිබෙනවා. එනම් වර්ධනයක්, විවේකී කාලයක් හා හැලී යාම වශයෙනි. හිස් කබලක සාමාන්‍ය වශයෙන් කෙස් ගස් ලක්ෂයක් එසේත් නැත්නම් ලක්ෂ එක හමාරක් තරම් හිසකෙස් තිබේ. ඒ අතුරින් 85%ක පමණ ප්‍රතිශතයක් වර්ධනය වෙමින් පවතින කෙස් ගස්ය. සාමාන්‍යයෙන් එක කෙස් ගසකට දින 1000ක පමණ ආයුෂ කාලයක් හිමිවෙනවා. නමුත් එම ප්‍රමාණය වර්ධනය වන සමයේ ඇති විවිධ බව අනුව වෙනස්විය හැකියි. මේ හේතුව නිසා කෙනෙකුට හිමි දිගු කෙස් කලක් ද කෙටි කෙස් කලඹක් ද යන්න තීරණය වේ.

පිරිමි අයගේ හිසකෙස් කාන්තාවන්ගේ කෙස්වලින් වෙනස් ද?

කෙස් ගසක වර්ධනය වන සමයේ පවතින වෙනස්කම් නිසා කාන්තාවන්ගේ හිසකෙස් පිරිමි අයට වඩා දිගින් යුක්තයි. නමුත් ඇතැම් කාන්තාවන්ගේ හිසකෙස් බොකුටු නිසාද ප්‍රමාණයෙන් දිගු නොවේ. මෙම කෙස් ගස් වර්ධනයෙන් අනතුරුව විවේකී සමයක් ගත කරන අතර එය මාස 3 සිට 6 දක්වා කාලයකට සීමා වේ. ඉන් පසුව කෙස් ගස් ක්‍රමයෙන් හැලී යාමට පටන් ගනු ලැබේ.

කෙස් ගසක් වර්ධනය වන කාලයේ ඇති වැදගත්කම පිළිබඳ පැහැදිලි කළොත්?

සාමාන්‍යයෙන් පුද්ගලයෙකුගේ කෙස් ගස් 1 සිට 100 දක්වා ප්‍රමාණයක් හැලී යා හැකියි. එය පුද්ගලයාගෙන් පුද්ගලයාට වෙනස් වේ. නමුත් ඇතැම් අවස්ථාවල එම ප්‍රමාණ ඉක්මවා කෙස් ගස් හැලී යනවා නම් එය යම් පූර්ව රෝග ලක්ෂණයක් ලෙස හඳුනාගත හැකියි. ඇතැම් අයගේ කෙස් ගැලවී යාම පැහැදිලිව දැකගත හැකි වුවත් ඇතැම් අයගේ ඒ පිළිබඳ පැහැදිලිව හඳුනා ගැනීමට අපහසු වේ. නමුත් උදු ගොව්වන් කෑම වැනි රෝගී තත්ත්ව නිසාද කෙස් සම්බන්ධ ගැටලු ඇති විය හැකියි.

කෙස් වැඩි වීම නිසාත් ගැටලු ඇති වෙනවාද?

කාන්තාවන්ගේ ශරීරයේ අනවශ්‍ය තැන් ආශි‍්‍රතව රෝම ඇති වීම ගැටලුවක්.

හිස කෙස් අඩු වීම පිළිබඳ කථාබහ කළොත්?

බොහෝ වෙලාවට හිසකෙස් අඩු වී ඇති බව දැකගත හැකි ආකාර කිහිපයක් තිබෙනවා. ඒවා අතුගාන විට, නාන කාමරය තුළ, පනාවේ ආදී තැන්වල බොහෝවිට කෙස් ගස් විශාල ප්‍රමාණයක් දැකගත හැකි වීමයි.

ඇතැම් රෝග තත්ත්වලදී හිස් කබලේ සමස්තයක් වශයෙන් බැලූ විට හිසකෙස් අඩු වීමක් දැකගත නොහැකි වේ. නමුත් කොන්ඩය හැලී ගොස් තැන් තැන්වල දැකගත හැකි වේ. මීට හේතුව බොහෝවිට හිස කෙස්වල වර්ධනීය අවධියේ ඇති වූ යම් හේතුවක් නිසා (කායික හෝ මානසික ආතතියක් නිසා) 50%ක් පමණ ප්‍රමාණයක් විවේකී සමයටක පත් වී මාස 3කට 6කට පසුව හැලී යනු ලැබීමයි. නමුත් කෙස් හැලි යන අවධියේ වෛද්‍යවරයා හමුවන විට ඔවුන්ට තමා ඊට මුහුණ දුන් හේතුව පවා අමතක වී ගොස් තිබිය හැකියි. නමුත් නැවත මාස 6ක් පමණ යනවිට කෙස් ගස් නැවත වර්ධනය වීමක් සිදු වේ.

ඊට අමතරව තයිරොයිඩ් ග්‍රන්ථියේ ගැටලු, හොර්මෝන අඩු හෝ වැඩිවීමක්, ඇතැම් ඖෂධ, යකඩ ඌනතා සමඟ මේ ලෙසට හිසකෙස් හැලී ගියහොත් ඒ නිසා ඇතිවන හිස කෙස්යාම දිගුකාලීනව සිදු වේ. එවන් හේතුවකට නොපමාව වෛද්‍ය උපදෙස් ලබාදිය යුතුයි.

තවද පිළිකා රෝගීන් මෙන්ම ශරීරයට වස විස ඇතුළත් වීම නිසාද කෙස් අඩු වී යා හැකියි. ඒ වගේම සතියකදී පමණ කෙටිකාලයකදී කෙස් ගස් හැලී යාමක් සිදු විය හැකියි. මෙහිදී 80%ක පමණ හිස කෙස් හැලී යා හැකියි.

ඊට අමතරව හිස කෙස් හැලී යාමට හේතු මොනවාද?

තවත් බොහෝ අයට තිබෙන ගැටලුවක් වන්නේ තට්ටය පෑදීමයි. මේ තත්ත්වය බොහෝදුරට දැකගත හැක්කේ පිරිමි අය අතරයි. තරුණ වයසේ අය අතර පවා මේ තත්ත්වය පටන් ගත හැකියි. නිශ්චිත කාල නිර්ණයක් නොමැති අතර එක් එක් පුද්ගලයා අනුව කාලය වෙනස් වීමක් දැකගත හැකියි. මෙහිදී කෙස් හැලී යාමක් දැකගත නොහැකි අතර ඉන් සිදුවන්නේ කෙස් කුඩා වෙමින් ගොස් කෙස් ගස ක්ෂය වී යාමයි. බොහෝවිට මේ තත්ත්වය ආරම්භ වන්නේ නළල දෙපසිනි. ඒත් සමඟම හිස මුදුනින් ද ඇති වී කාලයත් සමඟ හිසෙහි සම්පූර්ණ තට්ටය ඇතිවිය හැකියි.

ඇත්තෙන්ම මෙය රෝගී තත්ත්වයක් යැයි ස්ථීරවම පැවසිය නොහැකියි. ඇන්ඩ්‍රජන් නම් හෝර්මෝනය වැඩිපුර හිස් කබල අවට සමට සංවේදීතාවක් දැක්වීම තුළින් ඇතිවන තත්ත්වයකි. ඇත්තටම මීට බොහෝ ප්‍රතිකාර ක්‍රම පවතිනවා. සාමාන්‍යයෙන් මෙය ආරයට යන තත්ත්වයක් විය හැකියි. දරුවන්ට තරුණ වයසේ පවා ඇති වීමේ ඉඩකඩක් තිබේ. ඒ වුණත් බොහෝ පිරිසක් ඒ බව පිළිගැනීමට ද එතරම් කැමැත්තක් නොදැක්විය හැකියි.

මීට අමතරව කාන්තාවන්ට ද මේ තත්ත්වයට සමාන රෝග අවස්ථාවකට මුහුණ දීමට සිදුවිය හැකියි. ගැහැණු අයට තට්ටය නොපෑදුණත් හිසකෙස් මැදින් බෙදනවා නම් කාලයත් සමඟ හිස මැද ඇති පරතරය නැත්නම් ඉර පළල් වීමක් සිදු වේ. නමුත් කාන්තාවන්ගේ පවා ඉතාමත් කලාතුරකින් තට්ටය පෑදීම දක්වා හිසකෙස් අඩු වීමක් සිදු වේ. කාන්තාවන්ට මේ තත්ත්වය ඇති වන්නේ ක්‍රමයෙන් වයසට යනවිටයි. ඔසප් සිදුවීම නතර වී හෝර්මෝනවල සිදුවන වෙනස්කම් මේ සමඟ දැකගත හැකියි. එසේ වුවත් තරුණ වයසේ ද මේ තත්ත්වය බහුලව දැකගත හැකියි. ඒ ර්‍ථඛ්ර්‍ණච් රෝග තත්ත්වය ද සමඟයි. එහිදී ඩිම්බ කෝෂවල ගෙඩි ඇති වීම සමඟ අනවශ්‍ය තැන්වල කෙස් වර්ධණය හිසකෙස් ගැලවී යාම, වැඩිපුර කුරුලෑ ඇති වීම ආදිය දැකගත හැකි වේ. නමුත් වර්තමානය වනවිට මේවාට ද ප්‍රතිකාර ඕනෑ තරම් තිබෙන නිසා ගැටලුවක් ඇති කරගත යුතු නොවේ.

තැනින් තැන කොණ්ඩය ගැලවී යාම පිළිබඳ කථා කළොත්?

උදුගොව්වන් කෑම බොහෝදුරට තැන තැන හිසකෙස් ගැල වී යාමට හේතුවක්. මෙය කුඩා දරුවාගේ සිට තරමක් වයසින් යුතු අයෙක් දක්වා දැකගත හැකි තත්ත්වයක්. උදුගොව්වෝ කෑම නිසා එක් පැල්ලමක් වශයෙන් හිසකෙස් ගැලවී යා හැකියි. කාසියක පැල්ලමක් ලෙසින් ද පැල්ලම් කිහිපයක් ලෙසින් ද මේ තත්ත්වය දැකගත හැකි වේ. මුළුහිස් කබලම, රැවුල, ඇහිබැම ආදී ඕනෑම තැනක මේ තත්ත්වය ඇතිවිය හැකි තත්ත්වයක්. මෙය යම් සතෙක් විසින් ඇති කරන තත්ත්වයක් නොවේ. එය අපගේ ප්‍රතිශක්තිකරණයේ ගැටලුවකි.

ඇතැම්විට තයිරොයිඩ් ගැටලු, සුදු කබර රෝගය ද මේ සමඟ එකතු වී රෝගය උත්සන්න කළ හැකියි. මෙහිදී එක පැල්ලමක් දෙකක් තිබෙන විට ඉදිරියේදී කාලයත් සමඟ එම තැන්වල හිස කෙස් නැවත වර්ධනය විය හැකියි.

සුදු කබර රෝගය නිට්ටාවට සුව කර ගත නොහැකි වුවත් යම් පාලනයකට ලක් කරගත හැකියි. නමුත් මේ පාලනය දිගින් දිගටම පවත්වා ගත යුත්තේ ඉදිරියේදී ගැටලු ඇති කරවිය හැකි බැවිනි.

ඇතැම් අය කොණ්ඩය කඩා දැමීමක් ද සිදු කරන අතර මේ තත්ත්වය දරුවන් අතර සුලබව දැකගත හැකියි. අවම වශයෙන් දරුවාවත් තමා කොණ්ඩය කඩන බව දන්නේ නැහැ. අවසානයේ පැල්ලමක් වශයෙන් එය හිස් කබලේ දැකගත හැකි වේ. මෙහිදී ඇතිවන පැල්ලම බොහෝදුරට දැකගත හැක්කේ තමාට හුරු අත පැත්තේයි. මේ රෝග තත්ත්වය උග්‍ර වීමෙන් ඇතැම් අය ඇහිබැම පවා කඩන තත්ත්වයකට පත්වේ. ඇත්තෙන්ම මේ තත්ත්වය මානසික ආතතියක් සමඟ ඇතිවන තත්ත්වයකි. ඇතැම් අසාදන නිසා ද හිසකෙස් ගැලවී යන අතර මෙය පුස් වර්ගයක් ලෙස දැකගත හැකියි. මෙය බල්ලන්ගේ ශරීරවල ඇතිවන තත්ත්වයක්. නමුත් මේ තත්ත්වය වඩාත් ඉක්මනින් ප්‍රතිකාර යෙදිය යුතු වේ.

තවද හිස් කබල ආශි‍්‍රතව වෙනත් රෝගී තත්ත්ව නිසාත් කෝණ්ඩය අඩු වීමක් සිදුවිය හැකියි. තවද කොණ්ඩය තද කර බැදීම ආදිය නිසාද කොණ්ඩය අඩු වීමක් සිදුවිය හැකියි. කොණ්ඩෙට සිදු කරන ඇතැම් නුසුදුසු තත්ත්ව නිසා කෙස් ගැලවී යා හැකියි.

හිසකෙස් පාට කිරීම වැනි විවිධ දෑ කිරිම හැකි තරම් අඩු කර ගැනීම ඉතා වැදගත්. හිස් කබලේ ඇතිවන හිස් සොරි නිසා ද හිස්කෙස් ගැලවී යා හැකියි. සාමාන්‍යයෙන් අපේ සම මැරී ගැලවී යන අතර ඒ තත්ත්වය තරමක් වැඩිපුර සිදු වීම නිසාත් හිසකෙස් ගැලවී යා හැකියි. ඒ වගේම සමේ රක්තයා තත්ත්ව නිසා හිසේ පොතු පොතු කුඩු කුඩු ලෙස ගැලවී යා හැකියි. එමෙන්ම පොතු කබර වලදී ද මේ අයුරින් හිසකෙස් ගැලවී යා හැකි අතර උකුණන් නිසාද හිස කෙස් ගැලවී යා හැකියි. මේ කුමන හේතුවක් වුවත් වෛද්‍යවරු හඳුනාගත යුතු අතර ඊට අදාළ ප්‍රතිකර්ම ද ඔවුන් විසින් ලබාදෙනු ලැබේ.

ප්‍රතිකාර

ප්‍රතිකාර ලබා ගැනීමේදී හැම විටෙකම වෛද්‍යවරු ලබාදෙන උපදෙස් අනුවම බෙහෙත් ලබා ගත යුතු වේ. කොණ්ඩය හැලෙන විටෙක තදින් ගැට ගැසීම, කොණ්ඩ මෝස්තර දැමීම, විවිධ විලාසිතා සිදු කිරීම තරමක් පරිස්සමෙන් සිදු කළ යුතුයි.

සුදු වීමට භාවිතා කරන ඇතැම් ආලේපන භාවිතා කරන විට කොණ්ඩය ගැලවී යාමට වක්‍රකාරව හේතු විය හැකි අතර කාලයක් භාවිතා කිරීම හොඳ නැහැ. තවද යකඩ ඌනතා නිසාද හිසකෙස් ගැලවී යා හැකියි. ආලේපන තුළින් විටමින් වර්ග සමට ලැබෙනවා යැයි පැවසිය නොහැකියි. හිසකෙස් වැවීමට විවිධාකාර ආලේපන භාවිතා කිරීම තේරුමක් නොමැති අතර හිසකෙස්වල දීප්තිය වැඩි කරගත හැකි වේ. එසේ හිසකෙස් වර්ධනය කර ගැනීමට අවශ්‍ය නම් හොඳ සම බල ආහාර වේලක් ලබා ගැනීම හැර වෙනත් විකල්පයක් ඇත්තේ නැහැ.

– නුවන්ති කුලරත්න

අතර්ජාලයෙන් උපුටා ගැනීමකි

උකුණන් වඳ කරන අංක 1 ප්‍රතිකාරය මෙයයි අත්දුටුයි ප්‍රත්‍යක්ෂයි

සුනිල්වන් දිගු කේෂ කලාපය යුවතියකගේ සොඳුරු බව වඩවයි. පංච කල්‍යාණයෙන් එක් අංගයක් ලෙස කෙස් කලඹ හැඳින්වෙන්නේ ද එනිසාමයි. එහෙත් එයම ඇගේ රුව අවලස්සන කිරීමට හේතු වෙනවා නම්..? රුව නසන, කෙස් කලඹ අවලස්සන කරන හිසකෙස්වලට වැළඳෙන රෝගී තත්ත්වයන් කිහිපයක් ම තිබෙනවා.

ඉන් බහුතරයක් ම පීඩා විඳින හිස්හොරි පිළිබඳ හා එම රෝගයෙන් මිදිය හැකි ස්වාභාවික ප්‍රතිකර්ම අපි පසුගිය සතියේ පාඩම මඟින් ඔබට ඉදිරිපත් කළෙමු.

අද දින අප දැනුවත් කරන්නේ බොහොමයක් පාසල් දැරියන් හා ඇතැම් කාන්තාවන් පීඩා විඳින උකුණු කරදරය පිළිබඳයි.

උකුණන් බෝවීම ඉතා ඉක්මනින් ම සිදු වන්නක්. උකුණන් ඇති අයකු පාවිච්චි කළ කොට්ටඋර, ඇඳ ඇතිරිලි, තුවා මෙන්ම විශේෂයෙන් ම පනාව, කොණ්ඩය සරසන උපකරණ ආදිය පාවිච්චි කිරීමෙන් ඔබටත් උකුණන් බෝවිය හැකියි.

එයට අමතරව වසංගතයක් ලෙස හිසෙහි ඉතාමත් අධික සංඛ්‍යාවක් උකුණන් සිටින අයකුට ළංව සිටීමෙන් ද උකුණන් බෝවීම සිදු විය හැකියි.

එසේ බෝවන උකුණන් ඔබ අපිරිසුදුව සිටින්නේ නම් ඉතා ඉක්මනින් ම ඔබේ හිසේ උකුණු ජනපද ඇතිකර ගනී.

රුව ලස්සන සමඟින් පිරිසුදු බව ගැන ද උනන්දු විය යුතුයි. එසේ නොමැතිව ලස්සන ගැන පමණක් ම සිතීමෙන් සැබෑ ලස්සනක් ලබා ගත නොහැකියි.

උකුණු කරදරයෙන් බේරීම සඳහා සිදු කළ හැකි ස්වාභාවික ප්‍රතිකර්මයක් පහතින් දැක්වේ.

මෙම ප්‍රතිකර්මය සිදු කිරීම සඳහා ඔබට කොහොඹ දලු හා වෙරළු දලු අවශ්‍ය වේ. පිරිසුදු කරගත් කොහොඹ දලුත් වෙරළු දලුත් එකට කොටා තලපයක් සාදා ගත යුතුයි.

දැන් මෙම තලපය හිසේ හොඳින් ආලේප කරන්න. එය විනාඩි 20ක් පමණ වේලාවක් තබන්න. ඉන්පසුව දැති සිහින් පනාවකින් හිස හොඳින් පීරන්න. ඉන් අනතුරුව ඔබ හිස සේදීම හෝ නෑම සිදු කළ යුතුයි.

මෙම ප්‍රතිකර්මය කිරීමේ දී ඔබ තම සෞඛ්‍ය තත්ත්වය ගැන ද මඳක් සැලකිලිමත් වීම වැදගත් වේ.

ඔබ සෙම් අධික, පීනස් ආදී ලෙඩ රෝග ඇති අයෙක් නම් මෙය සිදු කළ යුත්තේ හොඳින් සූර්යාලෝකය පවතින උණුසුම් දිනවල දී ය. නැතිනම් මේ කොළවර්ග දෙකම සීතල බවින් යුතු නිසා සෙම වැඩි වීමක් සිදු විය හැකියි. මෙය උදෑසන හෝ සවස් වරුවේ සිදු කිරීමෙන් ද සෙම් තත්ත්වන් වැඩි විය හැකිය.

උකුණු කරදරය නිසා සමාජයේ පිළිකුලට ලක් වී කොන් වීමට අවශ්‍ය වන්නේ නැහැ. වෙළෙඳපොළේ ඇති කෘත්‍රිම ආලේපනයන්හි රසායනික ද්‍රව්‍ය අඩංගු නිසා ඒවා භාවිත කිරීමට අකැමැති ඔබට මේ ස්වාභාවික ප්‍රතිකර්මය සිදු කළ හැකියි.

මානසිකව හා ශාරීරිකව වද දුන් උකුණු කරදරයෙන් දැන් ඔබට ඉක්මනින් ම මිදෙන්නට පුළුවන්. ඒ සඳහා අවශ්‍ය වන්නේ ඔබේ උනන්දුව හා ඕනෑකම පමණයි.

ප්‍රේම් ශ්‍රීගෙන් හද පත්ලෙන්ම ඔබට ආශිර්වාදයක්..

උපදෙස් – ප්‍රවීණ රූපලාවණ්‍ය ශිල්පී ආචාර්ය ප්‍රේමසිරි හේවාවසම්

අතර්ජාලයෙන් උපුටා ගැනීමකි

සොරයිසිස් රෝගයට හොදම ප්‍රතිකාරය චීන කටු චිකිත්සාවයි මේ රෝගය ගැන දන්නැති අය අනිවා දැනුවත් වෙන්න

චර්ම සෛල වඩාත් ඉක්මණින් ස්ථාපිත වීමට ගන්නා උත්සාහයේදී රත් පැහැ පොතු සේ සම ගැලවීමෙන් මේ රෝගය ඇති වේ. මෙය තීව‍්‍ර ප‍්‍රදාහික තත්ත්වයකි. බටහිර වෛද්‍ය විද්‍යාව තුළ ඇති සීමිත විසඳුම් හේතුවෙන් ම සොරයිසිස් රෝගීන් වෙනත් වෛද්‍යකර්මවල පිහිට පතති. චීන කටු චිකිත්සාව බටහිර වෙදකමට සාපේක්‍ෂව සොරයිසිස් රෝගය සඳහා සාර්ථක ප‍්‍රතිකාර සලසන වෛද්‍ය ක‍්‍රමයකි.

සොරයිසිස් චර්මගත ආබාධය ශරීරයේ ඕනෑම ස්ථානයක ඇති විය හැක. එනමුත් වැළමිට, දණිස් සහ හිස් මතුපිට වැඩියෙන් ඇතිවන සෙයක් පෙනේ. තවත් අයෙකුට මෙම රෝගයේ බලපෑම මුහුණේ ද ඇති විය හැකිය. එවිට එය රෝගය ඉක්මවා ගිය පෞද්ගලික සමාජ සම්බන්ධතා පිළිබඳව ගැටළුවක් ද වන්නේය.
සොරයිසිස් රෝගය ප‍්‍රවේණිකව ඇති විය හැක්කකි. චර්ම ෙසෙල නිෂ්පාදනය හා එය සෘජුවම සම්බන්ධය. එය ළගපාත හිටියාට, රෝගයෙකු ස්පර්ශ වූවාට බෝවෙන රෝගයක්ද නොවේ. යම් කෙනෙකුගේ ශරීරයෙන් 30%ක් මේ සොරයිසිස් සමෙන් වසාගත් විට එය තදබල රෝග තත්ත්වයක් ලෙස සැළකේ.

මේ රෝගය අඩාල කරන හේතු සාධක මොනවාද? එය වර්ධනය කරවන හේතු සාධක මොනවාද?
මේ සම්බන්ධව විමසීම රෝගයට ප‍්‍රතිකාර කළමණාකරණය කිරීමේ ප‍්‍රශස්ථතම මගයි. Flare UP නොහොත් රෝගයේ උත්සන්න වීම් වලට පුද්ගලයාගේ මනෝ භාවය සහ ආතතික මට්ටම සෘජුව බලපෑමක් කරයි. ලතැවුල් සහගත මනෝභාවයක් ඇත්තේ නම් රෝගයේ පැතිරීම වැඩිය. තත්ත්වය වඩාත් උත්සන්න කරවන සාධක අතර දුම්පානය, ඇතැම් ආහාර වර්ග සහ ආසාත්මිකතාව දැකිය හැක. බටහිර වෙදකමේ හැටියට මේ රෝගයට ස්ටෙරොයිඩ, A හා D විටමින ව්‍යුත්පන්න, සම මෘදුකාරක සහ එමොලියන් වර්ග යොදා ගැනේ. මේ කවර ප‍්‍රතිකර්මයක් යෙදුවද රෝගය එතරම් මෙල්ල වීමක් නැති නිසාවෙන්ම ඊට වඩා සාපේක්‍ෂව ඉහළ කාර්යක්‍ෂමතාවයක් සහිත කටු චිකිත්සා ප‍්‍රතිකාර යොදාගත හැක.

කටු චිකිත්සාවේ සාර්ව අරමුණ
ඉතා කුඩා කටු ශ්‍රේණියක් හඳුනා ගන්නා ලද ස්ථානයක් මත ප‍්‍රවේශ කිරීමෙන් ‘‘චී’’ නොහොත් ජීවන ශක්තිය බාධාවකින් තොරව ගලා යාම සඳහා උත්තේජනයක් ලබාදේ. කටු චිකිත්සකයාගේ මූලික අභිප‍්‍රාය වන්නේද සමස්ථයක් වශයෙන් ගත් කළ සිරුරේ ශක්ති ප‍්‍රභව නියමාකාරයෙන් ගලා යාමට පියවර ගැනීමය. විද්‍යාත්මක සාක්‍ෂි අනුව කටු මගින් ගැඹුරින් ඇති සන්නිවේදක ස්නායු උද්දීපනය කරන ස්වභාවික වේදනා නාශකයක් වන එන්ඩොපින මගින් ශරීරගත වේදනා සමනක ක‍්‍රියාකාරිත්වයක් ඇති කරයි.

සොරයිසිස් රෝගයේදී වඩාත් වැදගත් වන්නේ එමගින් ප‍්‍රතිප‍්‍රදාහික යාන්ත‍්‍රණයක් බලගැන්වීමයි. එමගින් සොරයිසිස්
රෝගියෙකුගේ සමෙහි රත්පැහැ ගැන්වීම් සහ ඇතිවන වේදනා තත්ත්වයන්ද සමනය කළ හැක. මෙම කටු ප‍්‍රවේශ කිරීමෙන් ආතතිය සමනය වන ආකාරය ද ධූලක තත්ත්වයන් ඉවතලන ආකාරයද ඔබට ඉදිරියේදී පෙන්වාදෙමු.

චතුර්විධ වූ අරමුණු ඔස්සේ ප‍්‍රතිකාර
කටු චිකිත්සාව සෑම විටකම සමස්ත ශරීරයම පද්ධතියක් කොටගත් (Holistic approach) ප‍්‍රවේශයක් ගන්නා අතර එය ශරීරයේ තුළිතතාවය සාක්‍ෂාත් කර ස්වභාවික ශක්ති ප‍්‍රවාහයක් නියමාකාරයෙන් ගමන් කිරීමට මග හසර ලබාදෙයි. චීන කටු චිකිත්සාවේදී වෙසෙසින්ම සොරයිසිස් රෝගය සඳහා චතුර්විධ වූ අරමුණු සාධනය සඳහා ස්වකීය ක‍්‍රමවේදයන් යොමු කරයි. එය පහත පරිදිය.

1.Cool the Blood
පෙරදිග වෛද්‍ය ක‍්‍රමවේදය අනුව සොරයිසිස් රෝගය රුධිරගත තාපය උත්පාදනයෙහි ඇති වන අසාත්මිකතාවයකි. (Blood Heat disorder)එය රුධිර ධාරාව ආශ‍්‍රය කරගත් ප‍්‍රදාහික තත්ත්වයක් රූපක කරයි. මේ මූලික සන්ධර්භය තුළ කටු චිකිත්සකයා සොරයිසිස් රෝගය සඳහා සිිසිලන ගුණාංග ප‍්‍රවර්ධනය කරන ශරීරගත නිල ස්ථාන තෝරා ගනී.

– මතු සම්බන්ධයි. –

කළුබෝවිල චීන කටු වෛද්‍ය සායනයේ වෛද්‍ය අධ්‍යක්ෂ වෛද්‍ය ප‍්‍රසාද් දේශප‍්‍රිය විසිනි

අතර්ජාලයෙන් උපුටා ගැනීමකි

එළවළු වල සැගවුන ඔබ නොදත් විශ්මිත රෝග සුව කිරීමේ ගුණ මෙන්න

ශ‍්‍රී ලංකා වයඹ විශ්ව විද්‍යාලයේ ව්‍යවහාරික පෝෂණ අධ්‍යයන අංශයේ ජේ.ඒ. මාලිකා සඳමාලි විසිනි

”ආරෝග්‍යා පරමා ලාභා” – නිරෝගීකම පරම ලාභයයි.වයස් බේදයකින් තොරව මෙලොව වෙසෙන සෑම පුද්ගලයෙකුගේම ප‍්‍රධාන අභිලාශය සෞඛ්‍ය සම්පන්න නිරෝගී දිවි පෙවෙතක් ගත කිරීමයි.

පුද්ගලයෙකුගේ නිරෝගීකම සඳහා බලපාන කරුණු රාශියකි. ඒ අතර ආහාර හා ආහාර පුරුදු ප‍්‍රධාන තැනක් ගනී. ඔබගේ සෑම ආහාර වේලක්ම සමබල ආහාර වේලක් බවට පත්කර ගැනීම නිරෝගී දිවි පෙවෙතකට ඔබ තබන පළමු පියවර වේ.එළවළු යනු සමබල ආහාර වේලක අත්‍යවශ්‍ය සංඝටකයක් වේ.දිනපතා අවම වශයෙන් එළවළු වර්ග පහක් ආහාර වේලට එක් කර ගැනීම විවධාකාරයේ රෝග රාශියකින් ආරක්ෂා වීමට ඔබට උපකාරී වේ.
එළවළු වල සූවිශේෂී වූ ගුණ
ආහාර වේලට විවිධත්වයෙක් එක් කරන එළවළු විටමින (විශේෂයෙන් විටමින් ඒ, බී හා සී) හා ඛණිජ ලවණ වැනි අත්‍යාවශ්‍ය පෝෂ්‍ය පදාර්ථ රාශියකින් සමන්විත වේ.ඊට අමතරව රෝගකාරක වලින් ඔබව ආරක්ෂා කළ හැකි විශේෂිත රසායනික සංයොග රාශියක් එළවළු වල අඩංගු වේ.

ෆීනෝල, ටර්පිනොයිඩ, ඇල්කලොයිඩ හා සල්ෆර් අඩංගු සංයෝග ලෙස මෙම රසායනික සංයෝග සංයුතිය හා ක‍්‍රියාකාරිත්වය අනුව වර්ග රාශියකට බෙදා දැක්විය හැකිය.

මෙම එක් එක් සංයෝගය හෘද රෝග, දියවැඩියාව, අධිරුධිර පීඩනය හා පිළිකා ආදී දරුණු රෝගී තත්ත්වයන් ඇතිවීම පාලනය කිරීමේ හැකියාවන්ගෙන් යුක්ත වේ. ඊට අමතරව ශරීරයේ ප‍්‍රතිශක්තිය වැඩි දියුණු කර කෂුද්‍ර ජීවී ආසාදන වැලැක්වීමේ හා අහිතකර රුධිර කොලස්ටරෝල් ප‍්‍රමාණය අඩු කිරීමේ හැකියාවන්ගෙන්ද සමන්විත වේ.

අසහාය ගුණ සහිත එවැනි එළවළු කිහිපයක් හා ඒවායේ ගුණ පිළිබඳව පහතින් සළකා බලමු.

කැරට්

හෘද රෝග වළක්වයි

ආන්ත‍්‍රික පිළිකා වළක්වයි

කැරට් වල පවතින පොලිඇසටලින් නම් සංයෝගය අනවශ්‍ය රුධිර කැටි ගැසීම් හා අන්ත‍්‍රයේ තුවාල හටගැනීම් වළක්වයි.එමගින් පිළිවෙලින් හෘද රෝග සහ ආන්ත‍්‍රික පිළිකා වැළැක්වීමට කටයුතු කරයි.

ගෝවා

පෙනහළු, ආමාශය, මහා බඩවැල් හා ගුද මාර්ගයේ පිළිකා ඇතිවීමේ අවදානම අවම කරයි

ගෝවා වල පවතින ග්ලූකෝස් නෝලේම් නම් සංයෝගය ආහාර පිළියෙල කිරීමේදී බිඳ වැටී නව සංයෝගයක් නිපදවයි.මෙම නව සංයෝගය පහත සඳහන් ගුණ වලින් යුක්ත වේ.පිළිකාකාරක වලට එරෙහිව ක‍්‍රියා කිරීම, බැක්ටීරියා හා වෛරස් ආදී ක්ෂුද්‍ර ජීවින්ට එරෙහිව ක‍්‍රියාකිරීම හා පිළිකා ඇති වීමට හේතුවන සෛල වලට රුධිරය සපයන රුධිර වාහිනී නිපදවීම වැළැක්වීම. මෙම ගුණයන්ගේ සමස්ත බලපෑම මගින් අවසානයේදි ගෝවා වලට පිළිකා නාශක ගුණය ලබා දේ.

බීට් (රතු අල)

හෘදය හා රුධිරවාහිණී පද්ධතිය ආශ‍්‍රිත රෝග අවම කරයි.

වයස්ගත වීමේ ලක්ෂණ පෙන්වීම පමා කරයි.

බීට් වල ඇති කැරටිනොයිඩ වැනි ප‍්‍රතිඔක්සිකාරක සංයෝග මගින් අනවශ්‍ය රුධිර කැටිගැසීම් හා රුධිර නාල වල මේද තැන්පත් වීම අවම කරයි.එසේම නිරෝගී සමක් පවත්වාගෙන යාමට උදව් කිරීම මගින් ඔබේ තරුණ බව රැක දෙයි.

නිවිති

වයස්ගත වීම සමග ඇතිවන පහත සංකූලතා අවම කරයි

ඇසේ පෙනීම අඩු වීම

මොළයේ ක‍්‍රියාකාරිත්වය අඩු වීම

මොළයේ රුධිර නාල වල රුධිර කැටි හිරවීම නිසා ඇතිවිය හැකි ආඝාතීය තත්ත්වය

පිළිකා වලින් ආරක්ෂා කරයි

නිවිතිවල අඩංගු වන පීනොලික අම්ල හා කැරටිනොයිඩ යන ප‍්‍රතිඔක්සිකාරක සංයෝග මගින් එයට ඉහත සඳහන් ජීව ගුණයන් ආරෝපණය කර ඇත.

අතර්ජාලයෙන් උපුටා ගැනීමකි

පමණට වැඩිය වතුර බිව්වොත් මුත්‍රාශයේ ගල් ඇතිවෙන බව ඔබ දන්නවාද

අද අප ‘සුවමඟ’ විශේෂාංගයෙන් තොරතුරු විමසා බලන්නේ මෞත්‍ර ලිංගික පද්ධතිය ආශි‍්‍රතව ඇතිවන රෝගාබාධ පිළිබඳවයි. මෞත්‍ර ලිංගික පද්ධතියට වකුගඩු, මුත්‍රාශය, මුත්‍ර මාර්ගය වැනි කොටස් ගණනාවක්ම අයත් වෙනවා. මේ පිළිබඳව තොරතුරු විමසා බැලීමට අප හමු වුණේ, කොළඹ ජාතික රෝහලේ මෞත්‍ර ලිංගික රෝගාබාධ පිළිබඳ විශේෂඥ වෛද්‍ය මහාචාර්ය නෙවිල් ඩී. පෙරේරා මහතායි.

වෛද්‍යතුමනි මෞත්‍ර ලිංගික පද්ධතිය ආශි‍්‍රතව බහුලව ඇතිවන රෝගාබාධ මොනවා ද?

හඳුනා ගැනීමේ පහසුවට මෙම රෝගාබාධ ප්‍රධාන කොටස් දෙකකට බෙදා දක්වන්න පුළුවනි. එකක් වෛද්‍යමය රෝග අනෙක ශල්‍යමය රෝග. වෛද්‍යමය රෝග ලෙස හැඳින්වෙන්නේ ඖෂධ භාවිතයෙන් සුවකළ හැකි රෝග. ශල්‍යමය රෝග සුව කිරීමට ශල්‍යකර්ම අවශ්‍ය වෙනවා. වෛද්‍යමය රෝග අතරට වකුගඩු අකර්මණ්‍ය වීම (ක්‍රියා විරහිත වීම,) අයත් වෙනවා.

මෙයත් හදිසියේ ඇතිවන වකුගඩු අකර්මණ්‍යතාව සහ දීර්ඝකාලීනව සිදුවන වකුගඩු අකර්මණ්‍යතාව ලෙස කොටස් දෙකයි. දීර්ඝකාලීනව සිදුවන වකුගඩු අකර්මණ්‍යතාවයට හේතු වන්නේ දියවැඩියාව සහ අධි රුධිර පීඩනය යන රෝගාබාධ නිවැරැදි ලෙස පාලනය නොකිරීමයි. ඊට අමතරව මුත්‍රාශය ආශි‍්‍රතව ඇතිවන ආසාදන නොසලකා හැරීම ද හේතුවක්.

හදිසි වකුගඩු අකර්මණ්‍යතාවයට බොහෝවිට හේතු වන්නේ යම් යම් ඖෂධ විෂ වීම, විෂ ශරීරගත වීම, නයි විෂ පොලොන් විෂ ආදිය ශරීර ගත වීම ආහාර විෂ වීම වැනි කරුණුයි.

අනුරාධපුරය ආශි‍්‍රත ප්‍රදේශයේ පැතිර යන වකුගඩු අකර්මණ්‍යතාවයට හේතු තවමත් නිවැරැදි ලෙස හඳුනාගෙන නැහැ. මෙවැනි හදිසි වකුගඩු අකර්මණ්‍යතාවයන් එකක්වත් ශල්‍යකර්ම මඟින් සුවකළ නොහැකියි. එහිදී කළ යුත්තේ ඖෂධීය ප්‍රතිකාර කිරීමයි. එසේ සුව නොවුවහොත් කළ යුත්තේ රුධිරය පිරිසිදු කරන යන්ත්‍රයක් මඟින් රුධිරය පිරිසිදු කිරීමයි.

වකුගඩු ආශි‍්‍රතව සිදු කෙරෙන ශල්‍යකර්ම වලින් බහුලවම කෙරෙන්නේ වකුගඩුවේ ඇතිවන ගල් ඉවත් කිරීමයි. මුත්‍රාශයේ හෝ වකුගඩුවල ඇතිවන ගල් නිර්මාණය වන්නේ එම ඉන්ද්‍රියන් තුළමයි. එම ගල් නිර්මාණය වීමට බෙහෙවින් හේතු වන්නේ කැල්සියම් ඔක්සලේට් නම් රසායනික ද්‍රව්‍යයයි. ඊට අමතරව කැල්සියම් කාබනේට්, යුරික් ඇසිඩ් ආදිය නිසා ද වකුගඩු මුත්‍රාශය ආශි‍්‍රතව ගල් නිර්මාණය වෙනවා.

කැල්සියම් ඔක්සලේට් වලින් ගල් නිර්මාණය වීමට හේතු කීපයක්ම බලපාන බව පෙනී යනවා. ප්‍රධාන හේතුව ශරීරයේ ඇතිවන විජලනයයි. සාමාන්‍යයෙන් කැල්සියම් ඔක්සලේට් ස්ථටික මුත්‍රාවල තිබෙනවා. ශරීරයට ලැබෙන ජලය ප්‍රමාණය අඩු වුවහොත් ශරීරය වියළි මෙම ස්ථටික වකුගඩුවල තැන්පත් වෙනවා. ශරීරයෙන් හොඳින් මුත්‍රා පිට නොවීමට, මුත්‍රාශයේ සහ වකුගඩුවල ගල් නිර්මාණය වීම ප්‍රධාන හේතුවක්. මෙම ගල් නිර්මාණය වන්නේ කුඩා ස්ථටිකයකින්.

මෙම ස්ථටික මුත්‍රා සමඟ පිට වූවොත් ගල් නිර්මාණය වන්නේ නෑ. යම් හේතුවකින් (වකුගඩු තුළ නාල අවහිර වීමක් වැනි) මෙම ස්ථටිකය වකුගඩුව ඇතුළේ තැන්පත් වුවහොත් එය වර්ධනය වීමට පටන් ගන්නවා. ඊට අමතරව කැල්සියම් ස්ථටික නිර්මාණය කරන රෝගයක් ඇතැමුන් තුළ තිබෙනවා. මෙය ඉතා කලාතුරකින් දක්නට ලැබෙන රෝගයක්.

ඇතැමුන්ගේ ශරීරයේ කැල්සියම් ඔක්සලේට් ප්‍රමාණය වැඩිවන අවස්ථාත් තිබෙනවා. ඒවා සාමාන්‍ය තත්ත්වයන් නොවේ. මෙම සිදුවීම්වලට ශරීරය තුළ සිදුවන යම් යම් ක්‍රියාකාරකම් හේතු වෙනවා. ඇතැමුන් අතර මතයක් පවතිනවා ඉහත රෝගවලට ප්‍රතිකාර කරන අතරතුර කිරි, හාල්මැස්සන් වැනි කැල්සියම් අඩංගු ආහාර නොගත යුතු බව මෙය වැරැදි මතයක්.

කොළඹ ජාතික රෝහලේ මෞත්‍ර ලිංගික රෝගාබාධ පිළිබඳ විශේෂඥ ශල්‍යවෛද්‍ය මහාචාර්ය නෙවිල් ඩී. පෙරේරාඅතර්ජාලයෙන් උපුටා ගැනීමකි

ඔබේ සැමියා වෙනතක බැඳෙන රහස් මෙන්න.

නෝනලා මහත්තයලගේ පවුල් ප්‍රශ්න එන්න එන්නම වැඩිවන කාලයක් මේ. සමහර ප්‍රශ්න දෙන්න දෙපැත්තට කරන තරමටම දුරදිග යන අවස්ථාවනුත් නැත්තේ නෑ . මේ වගේ දේවල්වලට හේතුව තම තමන්ගේ වැරැදි – අඩුපාඩු නොගැළපීම් නිවැරැදි කරගන්නට උත්සාහ නොකිරීම නේද කියලා සමහර සිදුවීම් දිහා බලනකොට හිතෙනවා.

බලන්න – නෝනා, මහත්තයගෙ වැරැදි කිය කියා එයාට ඇඟිල්ල දික්කරනවා. මහත්තයා නෝනගේ වැරැදි ගැන නිතරම විවේචනය කරනවා. හැබැයි මේ විවේචන නිකම්ම එල්ල වෙනවත් නෙමෙයි. හොඳින් විමසා බැලුවොත් ඒවායේ ඇත්තකුත් තියෙනවා.

ඇත්තටම දෙන්නට දෙන්නා මෙහෙම නෝක්කාඩු වෙන්නේ ඇයි ?

“බඳින්න ඉස්සෙල්ලා නම් මෙයාට මාව හරිම ලස්සනයි. දැන් තමයි මගේ කැත පේන්නේ. මම කැමැති විදිහේ Fashion එකක් කළොත් එයා රටේ නැති ඒවා කියනවා. මම අඳින්නේ මට කැමැති දේ. මම කරන්නේ මට ඕනෙ දේ.. එයා මොනවා කිව්වත් මට මොකද?

ඔන්න, මේ එක නෝනා කෙනෙක් කිව්ව කතාව බලන්න, මේ කියන කතාවෙන්ම එයාගේ වැරැද්ද පේනවා නේද ?

විවාහයට පෙර

බඳින්න ඉස්සෙල්ලා සැමියා ඔබේ ලස්සන අගය කරන්න ඇති. ඔබේ ලස්සන ගැන එයා ආඩම්බර වෙන්න ඇති. ඒත් දෙන්නා එක වහලක් යටට වුණාට පස්සේ ඔබ එයා අකැමැති විදිහට විලාසිතා කරනවා නම් ඔහු ඔබව ප්‍රිය කරන්නේ මොන විදිහටද, ඔබේ ලස්සන දකින්න කැමැති මොන විදිහට කියලා හිතන්නේ නැත්නම් ඇත්තටම ඔහු ඔබ ගැන හුඟාක් කලකිරේවි.ඉස්සර මගේ නෝනට ලස්සන කොණ්ඩයක් තිබුණා. මං එයාගේ කොණ්ඩෙට හුඟාක් ආශා කළා. බැන්දට පස්සේ මගෙන් අහන්නෙත් නැතුව එයා කොණ්ඩෙ කපලා. සම්පූර්ණයෙන්ම දැන් එයාගේ පෙනුම වෙනස් වෙලා. මං ඉස්සර ආදරය කරපු අහිංසක ලස්සනක් තිබුණ කෙනා නෙවෙයි දැන් ඉන්නේ. තියෙන තරම් විකාර මුහුණට කරගෙන අඳින ඇඳුම් එයාට ගැළපෙන ඒවත් නෙවෙයි.”

ඔහු මෙහෙම කියනවා නම් ඔන්න රතුකට්ට පනින්නත් ඉතාම ආසන්නයි.

මේ අහන්නකෝ ඔබ තාමත් පරක්කු නෑ. ඔබට පුළුවන් අලුත් වෙන්න. ඔහු ඉස්සර පෙම් කරපු පෙම්වතිය වෙන්න. ඒ කාලේ වගේ ඔහු කැමැති විදිහට ලස්සන වෙන්න. ඔහුගේ ආදරණීය බව හැමදාම ඔබේ ජීවිතය වාසනාවන්ත කරාවි.

මොනවටද එයා කැමැති ?

චාම් ගතියට…

ඔබ නිතරම ඔහු ඉදිරියේ සිනාමුසුව ඉන්න. බුම්මාගෙන නොරිස්සුමෙන් ඉන්න එපා. සිනාව හරිම වැදගත් දෙයක්. ගැහැනියකගේ චාම් ගතියට වගේ හැමවිටම සිනාමුසු මුහුණෙන් ඉන්න අයට පිරිමි හරිම කැමැතියි. හැබැයි සිනාව ලස්සනට තියෙන්නට නම් දත් නිරෝගීව ලස්සනට තියෙන්න ඕනෙ. දත් කැඩිලා කළුවෙලා දිරලා තියෙනවා දකින්න කවුරුත් කැමැති නෑ. හුඟක් අය දත් මදිනවා දිව මදින්නේ නෑ. හැම වෙලාවෙම කට ගඳ ගසන්නේ නැති විදිහට පිරිසුදුව තබාගන්න. එහෙම නොවුණොත් ආදරණීය සිප ගැනීම පවා අප්‍රසන්න වේවි.

ඔබේ නා දලුවන් ලස්සන තොල් සඟල ඔහු කෙතරම් අගය කරන්නට ඇත්ද? තොල් වැඩිය ලස්සනට පේන්න කියලා නිතරම ලිප්ස්ටික් ගාන්න ඕනේ නෑ. වෙඩින් එකකට වගේ ලස්සනට පේන්න ගෑවට කමක් නෑ. ඔබ පාවිච්චි කරන ලිප්ස්ටික් වර්ණයට ඔහුත් කැමැතිද කියලා අහන්න. එයා කැමැති වර්ණයක් ඔබට තෝරලා දෙන්න කියන්න. ඔබට තෑග්ගකට ලිප්ස්ටික් එකක් ගෙනත් දෙන්නත් ඔහු උනන්දු වේවි. ඔයාට ඔය පාට හරි නෑ. ඔය පාට ගානවට මම කැමැති නෑ කියලා කිව්වොත් රණ්ඩු වෙන්න නම් යන්න එපා.

රෝම වැවිලා…

ඔබ ඔබේ රුව ලස්සනට තියාගන්න උනන්දු වෙනවට ඔහු කොතරම් කැමැතිවේවිද? බලන්න දැන් රුව ලස්සන කරන තැන් රුව ලස්සන කරන ක්‍රම කොයි තරම් තියෙනවද? ඒත් සමහරුන්ට උවමනාවක් නෑ. සමහරුන්ගේ මුහුණේ උඩු තොලේ කම්මුල්වල අත්පාවල රෝම වැවිලා. හරිම අවලස්සනයි. අනවශ්‍ය රෝම ඉවත් කරගන්න. සමහර විට මෙය හෝමෝන ගැටලුවක ලක්ෂණයක් වෙන්නත් පුළුවන්. ඔසප්වීම ප්‍රමාදවීම, දරුඵල පමාවීම වගේ දේවල් අනවශ්‍ය රෝම වලින් පෙන්නුම් කරන්නත් පුළුවන්.

තවත් අයට තියෙන ගැටලුවක් තමයි කුරුලෑ. ඔබේ මුහුණ කුරුලෑවලින් පිරිලා අවලස්සන වෙලා තියෙනවට සැමියා කොහෙත්ම කැමැති වෙන එකක් නෑ. ඒ ඔබේ මුහුණේ ලස්සන දකින්න ඔහු ප්‍රිය කරන නිසයි. මේ ගැන මානසිකව පසුතැවෙන්න එපා. සැමියා සමඟ කතාකර ඔහුත් සමඟ මෙයට ප්‍රතිකාර ගන්න යන්න. බලන්න, සමහර අයගේ මුහුණේ තෙල් ගතිය ඕනෑවටත් වඩා වැඩියිනේ. මෙය පිරිමි අයට ප්‍රශ්නයක්. අනවශ්‍ය විදිහට මුහුණේ තෙල් බේරෙන ගැහැනුන්ට ඔවුන් කැමැති නෑ. මෙය මර්දනය කරගත්ත නම් ප්‍රශ්නයක් නෑනේ. හොඳ ෆේස් වොෂ් එකක් භාවිත කරන්න. රූපලාවණ්‍ය ශිල්පීන්ගෙන් උපදෙස් ගන්න එකත් වඩා හොඳයි. හැබැයි ඕනෑවට වඩා මුහුණ ඩ්‍රයි කරගන්න එපා. ළාවට තෙතමනය තිබෙන මෘදු බව ඇති සිනිඳු මුහුණක් බිරියට තිබෙනවා නම් සැමියා වඩාත් ප්‍රිය කරාවි.

මතක තියාගන්න, පිරිමි අයගේ ඇස් හරියට අන්වීක්ෂයක් වගේ. ඔබේ මුහුණ ළඟින්ම ඉන්නවිට මුහුණේ තිබෙන වැරැදි ඔක්කොම ඔහුට පේන්න පුළුවන්. කණ්ණාඩිය ළඟට ගිහින් හොඳට බලන්න. ඔහු වෙනුවෙන් ලස්සනට ඉන්න නම් මුහුණේ අඩුපාඩු නිවැරැදි කරගන්න. දීප්තිමත් දෙනෙත්, ලස්සන හිනාව, සුන්දර පෙනුම හැම කාන්තාවකටම තියෙනවා. එය විහින් නැතිකරගන්න එපා.

ඔබ ලස්සනට ඉන්න මතක තියාගන්න. ඔබ ලස්සන වෙනකොට ඔබේ ලස්සන ගැන ඔහුගෙන් අහන්න. ඔහු කැමැති විදිහට ඔබ ලස්සන වෙනවා නම් ඔහු ඔබ ගැන ගොඩාක් ආඩම්බර වේවි. ඒ විතරක් නෙමෙයි ඔහු හැන්ඩ්සම් කෙනෙක් වෙන්න ඕනේ කොහොමද කියලා ඔබේ කැමැත්තත් ඔහුට කියන්න. බලන්න දැන් දෙන්නගෙ ගැළපීම ජීවිතය ලස්සන කරන තරම.

උපදෙස්: එක්සත් රාජධානියේ රාජකීය වෛද්‍ය සභාවේ විශේෂඥ වෛද්‍ය අසංග විජයරත්න.
සටහන: මංජුලා මල්කාන්ති.

අතර්ජාලයෙන් උපුටා ගැනීමකි

සෙම්ප්‍රතිශ්‍යාව සුළුවෙන් තකන්නට නම් එපා තත්ත්වය බරපතල වේවි

මේ දිනවල පවතින වැසි සහිත කාලය නිසා සෙම්ප්‍රතිශ්‍යාව පැතිර යන්නේ ඉතාමත් සීඝ්‍රයෙන් ඒ බව සනාථ වන්නේ රෝහල්වලට පැමිණෙන රෝගීන්ගේ සංඛ්‍යාව වැඩි වීමෙන්.

ඒ පිළිබඳව විමසුමක් කළ අපිට, සෙම්ප්‍රතිශ්‍යාව පැතිර යන ආකාරය පිළිබඳව වෛද්‍ය මංගලා මහලේකම විසින් ගෙන හැර පෑ විශේෂ තොරතුරු රාශියක් පසුගිය සතියෙන්් ඉදිරිපත් කළා. සෙම්ප්‍රතිශ්‍යාව වැළඳීමෙන් පසුව ඇතිවන තත්ත්වය හා ඉන් මිදීමට අප විසින් කළ යුතු දෑ පිළිබඳවත් ඇය ඉදිරිපත් කළ කරුණුවලින් දැන් ඔබ දැනුවත්. නමුත් සෙම්ප්‍රතිශ්‍යාව නිසා මාරාන්තික තත්ත්වයට පවා පැමිණිය හැකි තත්ත්වයකට වුවද පත්විය හැකි නිසා මුල්කාලයේ දී සුව කළ හැකි අවස්ථාවලදී සෙම්ප්‍රතිශ්‍යාව සුව කරගත යුතු බව වෛද්‍ය තුමිය විස්තර ගෙන හැර දැක්වූවාය.

සෙම්ප්‍රතිශ්‍යාව හා බැඳුණු රෝග

උණ, උණ සන්නිපාතය, පීනස, හිසරදය වැනි රෝග සෙම්ප්‍රතිශ්‍යාවේදී පසුකාලීනව ඇතිවන රෝග වේ. ඊට අමතරව මොළේ උණ, සෙම්ගෙඩි, සයිනොසයිටීස්, කනේ අමාරුව, මිග්‍රේන් වැනි දරුණු තත්ත්වයන්ට ද පසුකාලීනව ඇතිවිය හැකියි.

සෙම්ප්‍රතිශ්‍යා රෝගියෙකු සැලකිය යුතුයි

කිවිසුම් යනවිට රෝගියෙකුගෙන් වෛරස් විෂබීජ පිට වී යා හැකියි. එවිට තව කෙනෙකුගේ දුර්වල ප්‍රතිශක්තිකරණයක් ශරීරයේ පවතින්නේ නම් ඔහුට සෙම්ප්‍රතිශ්‍යාව වැළඳිය හැකියි. මේ සඳහා ඔබ කළ යුතුව ඇත්තේ ලේන්සුවක් ප්‍රයෝජනයට ගැනීමයි. නිතර ලේන්සුව භාවිතා කරමින් කිවිසුම පිට කිරීම හොඳ සිරිතක් නිසා ඒ ගැන සැලකීම වටී. ශීතාධික ප්‍රදේශවල ගොස් දිය ඇලි භාවිතා කරමින් ස්නානය කිරීම හා දිය උල්පත් වතුර සමඟ නිතර ගැටීම නොකළ යුතුයි. විශේෂයෙන් ජල ක්‍රීඩාවෙහි යෙදීමෙන් වැළකීම රෝගය වර්ධනය නොවීමට රුකුලක් වෙයි. සකස් කළ බීම වර්ග එනම් කෘතිම බීම වර්ග පානය සුදුසු නැත. මේවා සිසිල් වීම නිසා සෙම්ප්‍රතිශ්‍යාවට අගුණ වෙයි. උණු ජලය බීමට ගැනීම යෝග්‍ය බව සලකන්න. උණුසුම් වූ ජලය පානය කිරීමට සෙම්ප්‍රතිශ්‍යාව අඩු වීමට උදව් වෙයි. එවිට ආමගතිය නැති වී යයි. ජලය සිරුරින් පිටවන නිසා නිතර නිතර පිපාසාව දැනේ. එවන් අවස්ථාවලදී කොත්තමල්ලි වතුර හා ඉඟුරු, කොත්තමල්ලි වතුර පානය සුදුසු වෙයි. ඊට අමතරව හීන් අරත්ත, තිප්පිලි එකට දමා තම්බා එහි වතුර පානයට හොඳයි. විශේෂයෙන් සෙම්ප්‍රතිශ්‍යා රෝගියෙකු පාවිච්චි කරන වතුර බෝතලයකින් මුව තබා වතුර බීම තුළින් ද සෙම්ප්‍රතිශ්‍යාව බෝවීමේ ප්‍රවණතාව වැඩි නිසා ඉන් වැළකී සිටීම සුදුසුයි.

සෙම්ප්‍රතිශ්‍යා රෝගියෙකුගේ ආහාර වර්ග

මේ රෝගී තත්ත්වයේදී කෑමට ඇති රුචිය අඩු නිසා පි‍්‍රය උපදවන ආකාරයේ කෑම සකසා ගත යුතුයි. සැහැල්ලු ආහාර වර්ග තෝරා ගන්න. වට්ටක්කා, බෝංචි, කැරට්, බීට්, පරිප්පු, අල, ආහාර ලෙස සුදුසුයි. හාල් මැස්සන්, කඩල පරිප්පු ආදිය ද ආහාරයට සුදුසුයි.

කරවල ව්‍යංජනය ද මේ සඳහා යෝග්‍ය වෙයි.

එවැනි රෝගවලින් මිදීමට කළ යුත්තේ කුමක්ද?

සෙම්ප්‍රතිශ්‍යාව සුළුවෙන් තකන රෝගයක් නිසා සමහරුන් ඊට ප්‍රතිකාර ගැනීම අත්හරිනු ලබයි. මේ සඳහා වෙදකම් ලෙස කිරීමට කිසිම දෙයක් නොකර ශාරීරිකව ප්‍රතිකාර නොගෙන සිටියි. ප්‍රවේසම් නොවී පාලනයක් නැති ආහාරපාන හා ඇවතුම් පැවතුම් හේතුවෙන් සෙම්ප්‍රතිශ්‍යාව වැඩි වී උණ රෝගය දක්වා ගොස් පසුව සන්නිපාතය හෝ දරුණු රෝග තත්ත්වයන්ට ද පත්වීමට ද ඉඩ ඇත.

සෙම්ප්‍රතිශ්‍යාවයෙන් වැළකී සිටීමට මෙන්න මේ කරුණු පිළිපදින්න

1. නිවැරදි ආහාර රටාවක් සකසා ගන්න.

2. නිවැරදි ඇවතුම් පැවතුම් පිළිපැදීම.

3. රෝගී වූ අයෙක් හා සම්බන්ධවීමේදී බෝ වීමට ඇති ඉඩකඩ වැඩි නිසා ප්‍රවේසම් වීම.

4. වෛද්‍යවරයෙකුගේ උපදෙස් අනුව ක්‍රියාකිරීම.

නොගත යුතු ආහාර

සෙම්ප්‍රතිශ්‍යාවට ශීත අධික ආහාර සුදුසු නැති නිසා ඒවා ගැනීමෙන් වළකින්න. කංකුං, නිවිති, මෑ කරල්, වම්බටු, බණ්ඩක්කා, අන්නාසි, සෝස් වර්ග, බල මාළු අගුණ වෙයි. හරක් මස්, ඌරු මස්, කුකුල් මස් ද ආහාරයට නුසුදුසුයි. පලා වර්ග අතර මුකුණුවැන්න ද අගුණ කොටසට අයත් වෙයි. මුදවපු කිරි, යෝගට්, ජෙලි වර්ග අගුණ ආහාර වේ. අච්චාරු, තක්කාලි, විනාකිරි, සැමන් වැනි ආහාර වර්ග ද සෙම්ප්‍රතිශ්‍යා රෝගියෙකුට අගුණ වෙයි.

ක්ෂණික ආහාර අගුණයි

සකස් කරන ලද ආහාර වර්ග අද බොහෝවිට දකින්නට හැකියි. කොත්තු, සෝස් වර්ග සමඟ ගන්නා පේස්ට්‍රි වර්ග අගුණ වෙයි.

ස්වර්ණා ආරියවංශ
අතර්ජාලයෙන් උපුටා ගැනීමකි

කහ මිශ්‍ර වතුරෙන් නැවොත් ඔබ කවදාවත් නොවැසු මෙ අරුම පුදුම දේවල් ඔබටත් වෙනවා

දේශීයව නිපදවන රූපලාවණ්‍ය ආලේපන බොහෝමයක කහ අඩංගුයි. ඒ නිසාම රූපලාවණ්‍යයේ දී කහ නැතුවම බැරි ඖෂධයක් ලෙස හඳුනාගත හැකියි. එය එපමණටම රුව ලස්සන කරන්නට සම පැහැපත් කරන්නට ඉවහල් වෙයි. ඉංගී‍්‍රසි භාෂාවෙන් ටර්මරික් (Turmeric) වශයෙන් හඳුන්වන කහ ශාකයේ විද්‍යාත්මක නාමය වන්නේ curcumalonga යන්නයි.
කහ ශ්‍රී ලංකේය අපට ආගන්තුක දෙයක් නොවේ. මෙය ආසියාතික රටවල කෑම සැකසීමේ දී කුළු බඩුවක් ලෙස ආහාර රස කිරීමටත් වර්ණ ගැන්වීමටත් යොදා ගනු ලබයි.

විශේෂයෙන්ම පිළිකා තත්ත්වයන්හි සිට සමේ රෝග සහ රූපලාවණ්‍ය දක්වාත් විශාල පරාසයක භාවිත කරන ඖෂධයක් ලෙස හඳුන්වන්නට පුළුවනි. කූකමින් (curumin) යන රසායනිකය මෙහි අඩංගුයි. කහ යොදාගනිමින් කරනු ලබන ඖෂධ නිෂ්පාදනයේ දී මෙය විනාශ නොවන ආකාරයට යොදා ගැනෙයි. ඖෂධ සංස්කරණයන්හි දී මෙහි නියම ප්‍රතිඵල අත්වෙයි.

ඊට අමතරව මෙහි ඖෂධීය වටිනාකම ගතහොත් ආයුර්වේද සහ දේශීය වෙදකමේ බෙහෙත් වට්ටෝරුවල දී බොහෝ විට යොදා ගැනේ. එහිදී භාවිත වෙන්නේ මෙහි රයිසෝමය හෙවත් අලයයි. සමේ රෝගවල දී ගැනෙන ඖෂධ අතර නැතුවම බැරි ඖෂධයකි.

සාමාන්‍යයෙන් දේශීය ඖෂධයක් ලෙස මෙය සමේ ආලේප කරයි. බොහෝ විට විෂබීජ අධිකව තිබෙන ස්ථානයකට ගොස් පැමිණි විට කහ දියරයෙන් දෑත් මුහුණ සෝදන අවස්ථා තිබේ. ඒ කහ විෂබීජ නසන, විෂබීජ නාශක හැකියාවක් ඇති ඖෂධයක් ලෙස පිළි ගන්නා නිසාය.

මෙහි ප්‍රතිඔක්සිකාරක ගුණය ද ඉතා ඉහළය. චර්මයේ ඇතිවන අසාත්මිකතා, තුවාල, පිළිකා රෝග, දියවැඩියාව වැනි බොහෝ රෝග සඳහා භාවිත කරනු ලබන ඖෂධයකි.

මේ පිළිබඳ තවදුරටත් විමසා බැලුවොත් මෙහි ගුණාත්මක බව තවත් තහවුරු කරගත හැකියි. උදෑසන පිබිදී උණු වතුර වීදුරුවකට කහ තේ හැඳි කාලක් මිශ්‍රකර බීමෙන් සිරුර හොඳින් පිරිසුදු වන බවද ආයුර්වේද ග්‍රන්ථවල සඳහන් වෙයි.

එමෙන්ම ආසාදනවලින් වැළකී සිටීමට ද මෙය බොහෝ දුරට ඉවහල් වෙයි.

තෙල් අධිකතාව

තෙල් අධික වූ පසු විශේෂයෙන්ම කුරුලෑ වැනි අවස්ථාවන්ට වැඩි වශයෙන් ගොදුරු වන බව දැක තිබේ. මෙය දේශීය වෛද්‍ය ක්‍රමයේදී හඳුන්වන්නේ කප දෝෂ වැඩි වීම යනුවෙනි. ශරීරය මහත් කිරීමට විරුද්ධව මෙය ක්‍රියාත්මක වෙයි. මෙහි ලේඛනීය ගුණයක් පවතී. ලේඛනීය ගුණයක් යනු ශරීරය කෙට්ටු කරන ගුණයක් සහ සිරුර හැඩ කිරීමේ ගුණයක් පැවතීමයි.

මේ නිසා කහ රූපලාවණ්‍යයේ දී බහුලව යොදා ගත හැකි ශාක කාණ්ඩයක් වශයෙන් හැඳින්විය හැකියි.

උපදෙස් – විශේෂඥ උපදේශක වෛද්‍ය ආචාර්ය පතිරගේ කමල් පෙරේරා

මංජුලා මල්කාන්ති

අතර්ජාලයෙන් උපුටා ගැනීමකි

ආත්‍රයිටිස්‌ පුංචි ළමයින්ටත් හැදෙනවා ඔබේ දරුවා රැක ගන්න.මෙන්න මේ වැදගත් කරුණු ගැන දැනුවත් වෙන්න

වසර 300 කට වඩා පැරැණි නවගමුවේ පාරම්පරික සිංහල වෙද පරපුරේ වෙද මාතාවක්‌ වූ තලංගම හෙලේනා පෙරේරා මහත්මියගේ මිනිබිරිය වන චාන්දනී වික්‍රමාරච්චි මහත්මිය සර්වාංග රෝග සඳහා මෙන්ම දියවැඩියාව, පිළිකාව, ඇදුම සහ හතිය, අංශභාගය, ආතරයිටිස්‌ යන රෝග සඳහා 100% ක දේශීය වූ ප්‍රතිකාරයක්‌ හඳුන්වා දී ඇති වෛද්‍යවරියකි. විවිධ රෝගවලට ගෙදරදී ප්‍රතිකාර කර ගැනීම සඳහා ඉතා අඩු මුදලක්‌ වැය වන, ගෙදරදීම සාදා ගත හැකි ශාඛසාරමය ඖෂධ හඳුන්වාදීම මේ තීරය ඔස්‌සේ ඇය සිදු කරන්නීය.

ප්‍රශ්නය – පසුගිය සති කිහිපය තුළ ආත්‍රයිටිස්‌ රෝගය ගැන ප්‍රමාණවත් දැනුමක්‌ ඔබ පාඨකයන්ට ලබාදී තිබෙනවා. අද අප ඔබෙන් අහන්නේ කුඩා දරුවන්ට වැළඳෙන ආත්‍රයිටිස්‌ රෝගය ගැනයි.

වෛද්‍ය වික්‍රමාරච්චි – පුංචි ළමයින්ට වැළඳෙන ආත්‍රයිටිස්‌ රෝගය රක්‌තවාත ලක්‍ෂණ ඇති රුමටොයිඩ් ආත්‍රයිටිස්‌ රෝගය බව ඇතැම් වෛද්‍ය පර්යේෂකයන් කියනවා. තවත් සමහරු කියන්නේ එය රුමැටික නොවන සාමාන්‍ය ආත්‍රයිටිස්‌ තත්ත්වයක්‌ බවයි.

ප්‍රශ්නය – මේ රෝගය වැළඳෙන වයස්‌ සීමාව කුමක්‌ද?

වෛද්‍ය වික්‍රමාරච්චි – වයස අවුරුදු 16 ට අඩු දරුවන්ට තමයි මෙය බහුල ලෙස වැළඳෙන්නේ. විශේෂයෙන් අවුරුදු 7-12 අතර ළමයින්ටත් මේ රෝගය හටගන්නවා. ඒ වාගේම වයස 15-16 අතර ළමයින් යම් ප්‍රමාණයකටත් මේ රෝගය වැළඳෙනවා. මේ රෝග තත්ත්වය ළමා වියට පමණක්‌ සීමා වන අවස්‌ථා තිබෙන අතර ළමා වියෙන් අනාගත ජීවිතයටත් යන අවස්‌ථාත් තිබෙනවා. එහෙත් වැඩිහිටියන්ට තිබෙන නිදන්ගත ආත්‍රයිටිස්‌ තත්ත්වයට වඩා මේ රෝග තත්ත්වය වෙනස්‌. මෙහි ව්‍යාධි ස්‌වරූපය, එනම් රෝගය මගින් වන හානිය රුමටොයිඩ් ආත්‍රයිටිස්‌ රෝගයට යම් තරමකට සමාන වුණත් සන්ධි කාටිලේජවලට ඒ තරමටම හානියක්‌ සිදු කරන්නේ නැහැ. බොහෝවිට ළමයින් 1000 න් එක්‌ අයකුට මේ රෝග වැළඳෙනවා.

ප්‍රශ්නය – මෙය හටගන්නේ කොහොමද?

වෛද්‍ය වික්‍රමාරච්චි – එයට බලපාන නිශ්චිත හේතුවක්‌ නැහැ. ඒත් මම නම් පෞද්ගලිකව විශ්වාස කරන්නේ වැරදි ආහාර නිසා තමයි මේ රෝගය හැදෙන්නෙ. නූතන ළමයින්ගේ දෛනික ආහාර වට්‌ටෝරුව නිරෝගී ජීවිතයකට ගැලපෙන්නෙ නැහැ. ඔවුන් උදේට කන්නෙ කට්‌ලට්‌, පේස්‌ටි්‍ර, බටර් ගාපු පාන් වැනි දෙයක්‌. දිවා ආහාරය තෙල් දමලා කරකරපු කුකුළු මස්‌ හෝ තෙම්පරාදු කළ එළවළුවලින් සමන්විතයි. රෑට කන්නෙ කොත්තු. එහෙමත් නැත්නම් පීසා. එක්‌කෝ වටේට පිටි තවරලා බැඳපු µ්‍රයිඩ් චිකන්a. ශරීරය ශක්‌තිමත් කරන කිසිම පදාර්ථයක්‌ ඒ ආහාරවල නැහැ. තිබුණත් තෙල් දමා කරකිරීමෙන් ඒ ගුණය වාෂ්ප වී ගිහින්.

ප්‍රශ්නය – මෙහි රෝග ලක්‍ෂණ මොනවාද?

වෛද්‍ය වික්‍රමාරච්චි – අලසකම, කායික ක්‍රියාකාරකම් අඩු වීම සහ ආහාර අරුචිය තමයි මූලික ලක්‍ෂණය. මුල් අවස්‌ථාවේදී දරුවන් පිටතට පෙන්වන රෝග ලක්‍ෂණය වන්නේ කොර ගසමින් ගමන් කිරීමයි. ඊට පස්‌සෙ ඔවුන් නිතර නිතර රෝගී වීමට පටන් ගන්නවා. උණ වැනි රෝග ලක්‍ෂණ පෙන්වනවා. ඊළඟට අනෙක්‌ ආත්‍රයිටිස්‌ තත්ත්වයන්වලදි වගේම දණහිස, වළලුකර, මැණික්‌ කටුව සහ ඇඟිලිවල සන්ධි යනාදිය ඉදිමෙන්නට පටන් ගන්නවා. ඔය කියන තැන් වගේම කොඳුඇට පේළියේ, උරහිස, ඉඟටිය සහ හකු වැනි තැන්වල ඉදිමීම සිදු වුණත් ඒවා පෙනෙන්නේ නැහැ. මේවා සොයා ගැනීමට නම් අල්ට්‍රාසවුන්ඩ් හෝ ඵRෂ ස්‌කෑන් එකක්‌ කළ යුතුයි.

ප්‍රශ්නය – සන්ධිවල වේදනාවක්‌ හටගන්නවද?

වෛද්‍ය වික්‍රමාරච්චි – ඔව්. එය ස්‌ථිර රෝග ලක්‍ෂණයක්‌. උදේට නැගිටගන්න අමාරුයි. අතපය දිගහරින්න අමාරුයි. මේ වේදනාව දවස පුරාම ක්‍රමයෙන් වර්ධනය වෙනවා. ඊළඟට ක්‍රමයෙන් අස්‌ථි විකෘතිතා හටගැනීමට පුළුවන්. ඊළඟට සන්ධිවලට හානි වෙනවා. හැබැයි මේ කියපු හැම රෝග ලක්‍ෂණයක්‌ම හැමෝම තුළ නොතිබෙනවා විය හැකියි. එහෙත් එකක්‌ හෝ කිහිපයක්‌ හටගැනීම අනිවාර්යයි.

ප්‍රශ්නය – රෝගියාගේ දැස සම්බන්ධයෙනුත් ප්‍රශ්නකාරී තත්ත්වයන් හටගන්නා බව අප අසා තිබෙනවා.

වෛද්‍ය වික්‍රමාරච්චි – අක්‍ෂි ගෝලයේ ඉදිරිපස කොටසේ ආසාදන තත්ත්වයන් හටගන්නවා. වැඩි වශයෙන්ම ගැහැනු ළමයින්ට තමයි මේ රෝග ලක්‍ෂණය තිබෙන්නේ. පළපුරුදු අක්‍ෂි වෛද්‍යවරයකුට මෙවැනි ආසාදිත ඇසක්‌ පෙන්වපු ගමන්ම ඔහු දන්නවා මේ හැදීගෙන එන්නේ ආත්‍රයිටිස්‌ කියලා. මේක නම් ඉතා ප්‍රවේසමෙන් හඳුනාගෙන ප්‍රතිකාර කළ යුතු තත්ත්වයක්‌. එහෙම නොකළොත් ඇසට හානි වෙනවා.

ඊළඟ තත්ත්වය තමයි ළමයින්ගේ ශාරීරික වර්ධනය අඩුවීම. උදාහරණයක්‌ වශයෙන් ඉදිමුණ සන්ධි අසල තිබෙන අස්‌ථි කොටස්‌වලට රුධිරය සැපයෙන්නේ වැඩියෙන් ඉදිමීම නිසා රුධිර ගමනාගමනය පහසුයි. ඒ නිසා ඉදිමුන තැන් අසල තිබෙන සන්ධි වර්ධනය වේගවත් වෙනවා. එයට සාපේක්‍ෂව ගත්තම අනෙක්‌ සන්ධි ප්‍රදේශ සිහින්ව වැඩෙනවා.

ළමයින්ට වැළඳෙන ආත්‍රයිටිස්‌ රෝගයට ප්‍රවේසමෙන් ප්‍රතිකාර නොකළොත් නරක ප්‍රතිඵල හටගැනීමට ඉඩ තිබෙනවා. විශේෂයෙන් ඇස ආසාදනය වීමට ප්‍රතිකාර නොකළොත් ග්ලූකොමා සහ ඇසේ සුද හටගෙන පූර්ණ අන්ධභාවය පවා ඇති වීමට ඉඩ තිබෙනවා.

ප්‍රශ්නය – මෙය සුව කළ හැකිද?

වෛද්‍ය වික්‍රමාරච්චි – අපොයි ඔව්· මෙය බෝවන රෝගයක්‌ නොවන අතර ශරීරයේ ප්‍රතිශක්‌තිකරණය බිඳවැටීම නිසා ශරීරය තුළම හටගන්නා ධඑදසපපසමබැ තත්ත්වයක්‌ ලෙස හැඳින්විය හැකි මහාහරි තෛලය සහ කසාය වර්ග කිහිපයකිනුත් සුදුසු ආහාර පාන වලිනුත් මෙය සුව කළ හැකියි. මම දන්නා තරමට මෙයට හොඳම ප්‍රතිකාර තිබෙන්නේ සිංහල වෙදකම තුළයි.

මේ පිළිබඳ නොමිලේ උපදෙස්‌ සඳහා
0759061771 අංකයට කතා කරන්න

සාකච්ඡා කළේ
අශේන් රඹකොස්‌වැව
වෛද්‍ය – චාන්දනී වික්‍රමාරච්චි

අතර්ජාලයෙන් උපුටා ගැනීමකි